去旅行最開心係咩？梗係食好嘢啦！大家去台北快閃旅行時唔知有咩 台北美食 係一定要食又唔想剩係跟住旅遊書去搵好嘢食？今次就等KKday小編搵地道台北人嚟話你知除咗滷味、鹽酥雞、牛肉麵等等美食之外，有咩 台北美食 你係唔可以錯過啦～美食攻略仲寫埋地址同營業時間同埋交通方法㗎！
台北旅行必備：
▶︎ 【台灣 Wi-Fi 機租借】4G高速上網＋無流量限制
▶︎ 台灣高鐵優惠票，輕鬆遊遍全台灣
▶︎ 台北雙層巴士乘車券，十大景點輕鬆玩
# 十大 台北美食
1. 師大燈籠滷味
（source: KKday)
每日下晝開始燈籠滷味就會大排長龍，全部人個盆都裝滿晒料，室內座位更加係一位難求。呢間20年老店位於師大夜市嘅黃金地段屈臣氏隔離，又平又好食，味道重而不膩，湯底鹹淡適中。好多人由學生時代開始就係呢度嘅常客，可以話呢間燈籠滷味陪住唔少台北人渡過咗青春歲月啊～
【師大燈籠滷味】
▶︎地址：106台北市大安區師大路43號（座標：25.024590, 121.528587）
▶︎電話：02 2365 7172
▶︎營業時間：15:00-01:00
▶︎交通：捷運台電大樓站3號出口，沿師大路行去師大夜市徒步十分鐘內。
▶︎官網：燈籠滷味
2. 台灣鹽酥雞創始總店（台灣第一間鹽酥雞）
（source: KKday)
只要係台北人就一定會識呢間大直嘅台灣首間鹽酥雞創始店！夠膽喺台灣呢個鹽酥雞天堂囂張自稱「第一家」、「始創」，就代表佢肯定唔係等閒之輩～雖然佢位於非美食戰區嘅大直，但仍然吸引到好多人專登揸車去買，為嘅就係想食到新鮮好食又超衛生嘅鹽酥雞。
台灣鹽酥雞創始總店嘅特色在於佢將製作食物SOP化，由拎、炸、包裝、埋單，每個員工都只會負責一樣動作，而食物會放喺乾淨透明嘅櫥窗入面，仲標榜用經檢驗嘅健康油，等客人唔必擔心衛生同健康問題。
【台灣鹽酥雞創始總店】
▶︎地址：10491台北市中山區北安路530號（座標：25.079710, 121.546641）
▶︎電話：02 2532 1591
▶︎營業時間：10:30-03:00
▶︎交通：捷運大直站2號出口
▶︎官網：台灣鹽酥雞創始總店官方FB
3. 牛肉麵
（source: shutterstock)
牛肉麵可以話係台灣國民美食，又軟又嫩嘅大大塊帶筋牛肉浸喺香濃熬煮嘅湯汁入面，手桿麵彈牙有咬口，紅燒清煮都咁好食，誇張啲講真係想日日都食牛肉麵！據講牛肉麵係由眷村流傳出嚟，當年嘅外省老兵因為思念家鄉，就將家鄉嘅四川豆瓣醬牛肉同蘭州拉麵加以改良成為依家嘅川味牛肉麵同清燉牛肉麵，冇諗過咁樣一碗牛肉麵都滿載住思鄉之情。
台北市曾經舉辦過幾屆牛肉麵節，喧騰一時，大台北地區聚集咗好多牛肉麵名店㗎，下面就介紹幾間俾大家～
【洪師父牛肉麵】
▶︎小編推薦：台北國際牛肉麵節長勝軍，濃郁經熬煮嘅湯底同入口即溶嘅牛腱肉成為咗各位食客再訪嘅理由。
▶︎地址：10491台北市中山區建國北路二段72號（座標：25.054897, 121.536452）
▶︎電話：02 2500 6850
▶︎營業時間：11:00-23:00
▶︎交通：
(1) 捷運松江南京站5號出口，徒步行七分鐘。
(2) 搭乘298、紅57巴士去長春國小。
▶︎官網：洪師父牛肉麵
▶︎洪師父牛肉麵套餐，多種口味選擇
【林東芳牛肉麵】
▶︎小編推薦：林東芳係牛肉麵界排行榜嘅常客，已經開業30年，網上好評度超高，雖然歷經搬店風波但人潮仍然不減，冇食過都唔好話你去過台北！
▶︎地址：台北市安東街4-3號
▶︎電話：02 2752 2556
▶︎營業時間：11:00-04:00，星期日休息
【永康街牛肉麵】
▶︎小編推薦：外國人最愛嘅台灣牛肉麵，位於美食一級戰區仲可以脫穎而出實屬不易。
▶︎地址：106台北市大安區金山南路二段31巷17號（座標：25.032921, 121.528117）
▶︎電話：02-2351-1051
▶︎營業時間：11:00-15:30，16:30-21:00
▶︎交通：捷運東門站4號出口，徒步行兩分鐘。
4. 永康街天津蔥抓餅
（source: KKday)
睇到呢度一定有人問，呢啲手抓餅周圍都有，有咩好講？但可以將咁簡單嘅食物做到大排長龍個個排隊等食，就當然唔一般啦！望到天津蔥抓餅可能你都唔會覺得有咩特別，但食落口嘅時候你就會明白佢受歡迎嘅地方！老師傅將餅煎得恰當好處，麵皮金黃酥脆唔會燶，小編只可以講不愧係永康街，實力過人，連手抓餅都好食過人十倍。
【永康街天津蔥抓餅】
▶︎地址：106台北市大安區永康街6巷1號（座標：25.032646, 121.529698）
▶︎電話：02 2321 3768
▶︎營業時間：09:00-22:00
▶︎交通：捷運東門站5號出口，徒步行兩分鐘。
5. 麻辣鍋
（source: Shutterstock)
雖然麻辣鍋係源自四川，但佢就喺台灣大放異彩，台灣人無論春夏秋冬都咁鐘意食麻辣鍋，冬天食就暖胃夏天食就排汗，而台北嘅麻辣鍋競爭激烈，間間都有自己獨門湯底同揀肉標準，好似馬辣、辛墊、這一鍋都係年輕人收工後嘅最愛。
【台北老牌詹記麻辣鍋】
▶︎小編推薦：台北老牌麻辣鍋，小編私心推介佢哋嘅鴨血！牛肉同豬肉品質都夠晒新鮮味美，而且呢間嘅麻辣湯底係小編唯一敢飲嘅，因為佢辣油少、麻辣而不會太刺，可以飲到佢真材實料嘅感覺。雖然佢係單叫材料，但四個人食平均除開一個人都唔洗五百台幣（約130港幣），計返都仲係好抵食～
▶︎地址：南京店-104台北市中山區南京東路二段178號（座標：25.051803, 121.535056）
新莊店-242新北市新莊區新泰路187號（座標：25.037792, 121.447259）
▶︎電話：02 2508 2080, 02 2998 2794
▶︎營業時間：17:00-01:30
▶︎交通：
南京店－捷運松江南京站5號出口
新莊店－捷運新莊站1號出口，徒步行十分鐘
▶︎官網：詹記官方FB
【紅九九麻辣火鍋】
▶︎小編推薦：呢度一人一煲嘅設計實在係太好啦！唔洗就其他人，可以自己揀鐘意嘅辣度同配料，湯底用中藥材熬煮而成，重麻不重辣，好有地道嘅四川味～
▶︎地址：106台北市大安區延吉街131巷7號（座標：25.042725, 121.554633）
▶︎電話：02 2772 3938
▶︎營業時間：11:30-00:00
▶︎交通：捷運國父紀念館站1號出口，徒步行四分鐘
▶︎官網：官方FB
▶︎食尚玩家推薦！網上預約紅九九麻辣火鍋一人一鍋
【馬辣】
▶︎小編推薦：喺放題入面最受歡迎嘅一間，亦都係香港人超級鐘意去嘅馬辣。
▶︎地址：（信義店）110台北市信義區松壽路22號3樓（座標：25.035497, 121.567867）
▶︎電話：02 2720 5726
▶︎營業時間：11:30-02:00
▶︎官網：馬辣官網
6. 寧夏夜市香酥芋丸
（source: KKday)
寧夏夜市都係美食集中地，其中睇落唔太起眼嘅炸芋丸小攤好似有股魔力咁，吸引客人不斷上門，令到佢哋喺已經人山人海嘅夜市排出一條長人龍，大家可以喺夜市食完蚵仔煎、滷肉飯之後食粒蛋黃芋餅做點心～
【寧夏夜市香酥芋丸】
▶︎小編推薦：剩係寧夏夜市美食就可以寫一篇啦！絕對值得嚟行下同食好東西。
▶︎小編提醒：店家規定一次要買兩粒～
▶︎地址：103台北市大同區寧夏路（座標：25.056001, 121.515284）
▶︎營業時間：17:00-01:00
▶︎交通：捷運中山站4號出口，徒步行十分鐘。
▶︎官網：劉芋仔香酥芋丸
7. 永康街思慕昔芒果冰
（source: KKday)
呢間太出名啦！被CNN評為訪台必吃，對外國人嚟講永康街可能係台北最出名嘅一條街，原因都係呢間芒果冰，永康街上面開咗三間分店，每間都人滿為患，可以話係冰品界嘅傳奇。
【永康街思慕昔芒果冰】
▶︎地址：106台北市大安區永康街15號（座標：25.032530, 121.529818）
▶︎電話：02 2341 8555
▶︎營業時間：09:30-23:00
▶︎交通：捷運東門站5號出口，徒步行兩分鐘。
▶︎官網：思慕昔 Smoothie House
▶︎KKday優惠！思慕昔系列雪花冰
8. 公館三大青娃撞奶－巴伯Ｑ奶、陳三鼎、墾丁蛋蛋ㄉㄨㄞ奶
（source: KKday)
嚟到公館仲飲珍珠奶茶？飲青蛙撞奶先係王道！陳三鼎係三間店入面最出名嘅一間，據講係台灣青蛙撞奶嘅始創人，無奈太多人抄襲，所以佢哋就自己將招牌改成青蛙鮮奶，黑糖味重，口味偏甜，好多遊客都慕名而嚟；巴伯Ｑ奶冇咁出名，但係喺學生間嘅好評率極高，鮮奶味濃；而另一邊嘅墾丁蛋蛋ㄉㄨㄞ奶因為粉圓彈牙所以都有唔少Fans。
【巴伯Ｑ奶】
▶︎地址：100台北市中正區羅斯福路三段316巷4號（座標：25.015819, 121.532613）
▶︎電話：0921 903 358
▶︎營業時間：10:00-23:00
▶︎交通：捷運公館站1號出口，徒步行五分鐘
【陳三鼎】
▶︎地址：100台北市中正區羅斯福路三段316巷8弄2號（座標：25.015693, 121.532453）
▶︎電話：02 2367 7781
▶︎營業時間：11:00-21:30，星期一休息。
▶︎交通：捷運公館站1號出口，徒步五分鐘
▶︎官網：陳三鼎FB
【墾丁蛋蛋ㄉㄨㄞ奶】
▶︎地址：100台北市中正區汀州路三段165號（座標：25.015299, 121.532134）
▶︎電話：02 2368 5550
▶︎營業時間：11:30-22:30
▶︎交通：捷運公館站1號出口，徒步行五分鐘
9. 藍家割包
（source: KKday)
喺陳三鼎對面嘅呢間藍家割包都係相當出名嘅公館美食，肉分為肥、偏肥、各半、偏瘦、瘦五個等級比顧客揀，味道爽口、肥肉都滑而不膩，花生粉灑喺肉上面夾埋超香～
【藍家割包】
▶︎地址：100台北市中正區羅斯福路三段316巷8弄3號（座標：25.015747, 121.532560）
▶︎電話：02 2368 2060
▶︎營業時間：11:00-00:00，星期一休息。
▶︎交通：捷運公館站1號出口，徒步行五分鐘
10. 師大鹽水雞
（source: KKday)
如果話說公館嘅代表食物係青蛙撞奶，咁師大絕對係鹽水雞，一條街上面至少都有五間，而當中最出名嘅三間—雞房重地創始店、極品鹽水雞同欲罷不能鹽水雞都位於師大夜市。小編覺得鹽水雞係一種好神奇嘅食物，佢味道唔重都唔特別，但口痕嘅時候就好難克制食嘅慾望，加埋鹽水雞非炸非烤，女仔食都冇咁大罪惡感，不知不覺就會夾咗一堆餸⋯
【雞房重地】
▶︎地址：106台北市大安區師大路45-1號（座標：25.024413, 121.528642）
▶︎電話：0952 119 213
▶︎營業時間：15:30-00:00
▶︎交通：捷運台電大樓站3號出口，沿師大路行入師大夜市徒步十分鐘內。
【極品鹽水雞】
▶︎地址：106台北市大安區龍泉街52號（座標：25.023953, 121.529437）
▶︎營業時間：17:00-00:30
▶︎交通：捷運台電大樓站3號出口，沿師大路行入師大夜市徒步十分鐘內。
【欲罷不能鹽水雞】
▶︎地址：106台北市大安區師大路39巷10號大安 區號（座標：25.024592, 121.528920）
▶︎交通：捷運台電大樓站3號出口，沿師大路行入師大夜市徒步十分鐘內。
番外—台北必食早餐！
11. 阜杭豆漿
（source: shutterstock)
想食到阜杭豆漿，就要挑戰人體極限—超級早起身～雖然佢嘅營業時間係去到中午十二點半，但成日九點就會賣晒，而天都未光六點就開始有人喺華山市場排隊，為嘅就係要一嚐阜杭豆漿嘅厚燒餅同油炸鬼！呢間五十年老店堅持用窯燒嚟燒燒餅，所以先特別香脆，嚟到台北一定要搵日早起身去拜訪呢間中式早餐名店。
阜杭豆漿
▶︎地址：100台北市中正區忠孝東路一段108號（座標：25.044205, 121.524785）
▶︎電話：02 2392 2175
▶︎營業時間：05:30-12:30，週一休息。
▶︎交通：捷運善導寺站6號出口對面
▶︎官網：阜杭豆漿FB
《2020 “Stay at Home” 防疫特別推介》
(source:supplier)
台灣料理直送上門！（只限香港地區）由主食台灣牛肉麵，到小食台式香腸、又或者甜品芋圓蕃薯圓，通通都由台灣急凍直送府上，保證原汁原味，仲有多款台式火鍋配料以及海鮮料理可以選擇‼
想玩轉台北食盡 台北美食 ，你可能需要：
▶︎ 【台灣 Wi-Fi 機租借】4G高速上網＋無流量限制
▶︎ 台灣高鐵優惠票，輕鬆遊遍全台灣
▶︎ 台北九份、平溪、北海岸熱門景點包車一日遊
▶︎ 台北北海岸野柳女王頭、翡翠灣、老梅石槽包車一日遊
想輕鬆玩台北，你仲可以睇埋：
▶︎【台灣手信】台北必買人氣手信
▶︎【台灣交通】台灣高鐵台鐵全攻略
▶︎【台灣行程】九份老街CHIPAO旗袍租借體驗，旗袍換裝流程、九份打卡景點推薦
