顯徑

今天同家人去咗雲海匯食片皮鴨放題。本來主要想試片皮鴨，點知超過45款任點，3小時慢慢食（兩小時左右已經食唔落棄權），但感覺幾抵。今次KKday買優惠套票$99一位，加現場雜費$58，總共$157一位，性價比唔錯。 片皮鴨皮脆肉嫩，配甜麵醬、青瓜絲同京蔥幾正，薄餅軟熟，熱辣辣上枱可無限追加。其他試過包括送嘅茄汁煎焗大虎蝦（彈牙酸甜）、蠔皇6頭鮮鮑魚伴椎茸（大隻濃味）、雲南野菌燉響螺湯（清甜滋潤），仲有酸甜黑豚肉、椒鹽骨、真菌牛柳粒、蜜餞欖角骨👍🏻、沙薑豬手粒👍🏻、脆皮燒腩仔👍🏻、麻辣口水雞👍🏻等。點心鮮蝦餃👍🏻、順德炸鮮奶👍🏻；甜品杞子桂花糕👍🏻、養顏棗皇糕👍🏻、奶香千層糕👍🏻解膩。 小炒有鑊氣，炸物脆口，上菜快。每次講「唔該」，姨姨都親切回「唔使客氣」，服務好。環境寬敞，適合一家大細☺️。整體新鮮穩定，$157食到咁多款，值得再去。