【日本】2024白川鄉點燈攻略！預約方法、點燈時間、交通、住宿資訊全整理

每年白川鄉合掌村點燈都會吸引一大班遊客，想一睹世界遺產人形木屋覆蓋喺雪地入面、襯埋閃令令嘅燈光，成個畫面溫馨又浪漫，而且錯過咗就要再等一年！但白川鄉點去？咁嘅旺季住宿又點訂？白川鄉點燈日期係幾時？即刻睇睇KKday為你準備嘅合掌村交通住宿完整攻略，之後拿拿臨買機票執行李出發啦！

想睇白川鄉點燈？你可以選擇二日遊行程的方式，不需要煩惱交通及語言問題，行程通通安排好，睇燈行街浸溫泉兼備！

【東京出發二日遊】白川鄉合掌村點燈＆高山老街＆平湯之森溫泉 【日本】日本季節限定2天團｜白川鄉點燈祭典＆名花之里＆兼六園｜名古屋出發

出發地	天數	包含商品	其他旅遊行程	中文領隊導遊
東京	二日遊	高速巴士票券 白川鄉入場 第一天午餐 第二天早餐 一晚住宿 溫泉	飛驒高山古街 平湯之森	有	HKD$2028 起
名古屋	一日遊	交通 白川鄉入場 晚餐	飛驒高山古街	有	HKD$1302
	二日遊	交通 白川鄉入場 第一天午餐&晚餐 第二天早餐 一晚住宿	名花之里 兼六園	有	HKD$2999

如果沒有打算睇燈，只想到訪這個人氣世界文化遺產漫步，可以考慮一日遊！

日本中部一日遊｜白川鄉合掌村＆飛驒高山老街｜名古屋出發 【日本】金澤一日遊｜五箇山＆白川鄉合掌村＆飛驒高山｜金澤站出發

1. 最新！白川鄉合掌村點燈日期2024

停辦兩年，白川鄉合掌村點燈活動終於回來，在 2023 年一月至二月連續六個星期日舉行。想親身體驗一定要記低！

88折預訂白川鄉點燈併車遊

• 2024 點燈日期：14/1、21/1、28/1、4/2、12/2、18/2
• 點燈時間：17:30 – 19:30
• 點燈區域：和田家、上町、明善寺、西側周邊

#2023白川鄉點燈活動採完全預約制

為咗控制人數，喺點燈活動期間，如果沒有事先預約係入唔到村！想入村欣賞嘅朋友可以以下四種方法預約：

1. 村內留宿：觀光協會之後會開放抽籤，官網會公布可以預約嘅民宿清單。
2. 利用當地停車場，當日自駕來回：村內停車場將會採預約制，會按照預約順序發放停車位。
3. 乘坐旅遊巴士：請向各大旅行社查詢。
4. 乘坐公共巴士：請向各巴士公司查詢。

2. 合掌村點去？

通常大家都會由名古屋出發去合掌村，而昇龍道票券就係大家最常用嘅交通券，入面包含咗好多可以搭嘅巴士路線，除咗合掌村之外，呢張交通券仲可以去埋其他地區㗎！有張昇龍道高速巴士周遊券喺手，日本中部交通都即刻輕鬆上手！

• 出發地：日本中部機場、名古屋、高山
• 目的地：名古屋、高山、金澤、白川、松本等地
• 票券種類：三日券、五日券
• 使用方式：憑通票可以喺指定日期內任意乘搭高速巴士

另外三日券同五日券都有啲一定要預約咗先搭得嘅路線，KKday喺度幫大家整理埋～

	昇龍道三日券	昇龍道五日券
預約制	名古屋～白川鄉：名鐵巴士 名古屋～高山：名鐵巴士、濃飛巴士 岐阜～高山：名鐵巴士	名古屋～白川鄉：名鐵巴士 名古屋～高山：名鐵巴士、濃飛巴士 岐阜～高山：名鐵巴士 名古屋～富山：名鐵巴士 名古屋～松本：名鐵巴士
部分預約制	高山～白鄉川/金澤線（北陸鐵道巴士、濃飛巴士）
不需預約	金澤～富山：北陸鐵道巴士	金澤～富山：北陸鐵道巴士 高山～平湯～新穗高：濃飛巴士 新穗高～松本：濃飛巴士
注意事項	*點燈期間，巴士僅營運到17:30，若是想參加點燈活動需要乘搭點燈專用公共巴士，詳情可參考白川鄉觀光協會。

基本上去白川鄉最常用嘅巴士就係濃飛巴士，經常會有人會由高山、金澤去白川鄉，如果用KKday訂飛仲可以用最優惠價金錢訂到！

以優惠價訂購昇龍道票券

【濃飛點燈巴士】

另外，以下係濃飛巴士針對點燈開放嘅巴士費用，大家可以參考埋～

• 從金澤站出發，於白川鄉下車，搭乘費用單程2,000元，來回3,600日圓。
• 從高岡/新高岡站出發，於白川鄉下車，搭乘費用單程1,800元，來回3,200日圓。
• 票券包含：往返巴士座位、合掌村民家園門票
• 預約辦法：一個月前開始受理預約，只接受電話預約～
• 詳細資料可以參考：濃飛點燈巴士官網

3. 唔識日文點Book房？

合掌村嘅民宿多數由日本嘅長者經營，所以基本上都剩係識日文，而訂購方式亦都多數用電話、傳真或者E-mail，呢個時候如果唔識日文又冇日本朋友可以幫手，咁應該要點先可以喺合掌村留宿呢？

呢度有兩種方法可以提供比大家參考：

＃信用卡白金秘書

如果你張信用卡係白金卡Level，咁你可以睇下你有冇「信用卡白金秘書」呢個服務，如果有，咁你就可以打電話比你嘅發卡銀行、或者打比信用卡機構（Visa、Master Card等），之後就可以請專人幫你代為訂房！

＃白川鄉觀光協會

如果上述嘅方法你用唔到，咁你都可以選擇搵白川鄉觀光協會代為訂房。雖然佢哋都係用日文嘅操作介面，但相對嚟講就方便好多，亦都唔洗用日本打電話溝通～

你可以照以下步驟Book房：

【Step 1】

揀「宿泊設施」就可以睇到合掌村嘅住房資訊。

【Step 2】

撳到入去，你可以揀自己想住嘅地方，睇到更多同更詳盡住宿資訊。

【Step 3】

揀好自己想要嘅住宿之後，返去左邊欄拉落去，就可以見到「お問合せ」，撳落去就會見到查詢表格。

【Step 4】

填完份Form之後，白川鄉觀光協會就會幫你查詢住宿嘅問題，並且會以英文E-mail比答覆你。小編就建議大家可以喺詢問內容嘅地方填多幾間住宿，咁遇到想訂嘅民宿已經爆額嘅情況時，觀光協會嘅人就可以直接幫你問埋其他民宿。另外如果可以訂，都要再次回信答覆返係咪要確認預訂。

留意返，第二欄係要填寫中文轉換後嘅日文拼音㗎！如果大家都係覺得用觀光協會訂民宿麻煩，咁你都可以考慮「大田屋」，呢間民宿有提供英文嘅訂房服務！

▶︎ 官網：白川鄉觀光協會

4. 白川鄉點燈注意事項

＃展望台嘅接駁巴士必須事前預約好

合掌村規定點燈期間前往展望台時要乘搭接駁巴士，今年多咗規定係搭接駁巴士要事前預約，並且要整理券先可以入場，當日入住白川鄉民宿者會優先得到整理券，到時候只需要出示訂房資訊即可。

＃只有持有停車許可的車輛方可在停車場停泊。

為咗控制人流，合掌村喺點燈期間規定只有持有停車許可證嘅車輛先可以喺停車場停車，自由行嘅旅客只可以依賴巴士，如果怕語言不通、無法預約巴士，也可以參考KKday提供嘅合掌村二日遊！

【東京出發二日遊】白川鄉合掌村點燈＆高山老街＆平湯之森溫泉

＃ 部分巴士班次會採取預約制

因為白川鄉夜間點燈舉辦日可能會適逢公車「高山―白川鄉線」運行日，所以交通可能會變得擁塞，部分嘅班次運行時會改變搭乘方式，即係平時唔洗預約嘅班次會改用預約制，而詳細資訊就以官網公佈為準，所以小編建議大家出發前事要先查詢各大高速巴士嘅官網～

＃訂房需要提早訂購

基本上白川鄉嘅民宿預約會由10月份開始開放，部份就由11、12 月份開始。如果已經確定要去，最好一早做定功課，一開賣就唔好等，以勿錯過時機呀！

＃相機、手機要預足電

因為合掌村天氣比較凍，會導致手機或者相機電池消耗得比較快，所以出發前一定要充滿電，或者帶埋隨身充電器，以防冇電嘅時候可以用到。

＃電筒、遮、防滑靴

因為係夜間點燈，所以會喺比較暗嘅路度行，開住電筒係相對嚟講比較安全嘅方式；另外可能會遇到落大雪嘅情形，所以亦都最好帶埋遮，咁就唔驚會淋濕而冷親；另外路面濕滑嘅關係亦都比較建議著防滑嘅靴，咁就可以避免跌親之類嘅意外。

＃夜晚超凍

去到合掌村，羽絨外套、頸巾、冷衫、手套、帽，任何可以保暖嘅野都唔好漏低呀！！下晝嘅氣溫已經好低，夜晚睇點燈時只會更凍！而且積雪好厚，建議著容易活動、輕便嘅衣物。

＃唔係每個地方都可以Set腳架

最後要注意嘅地方係，想影靚相嘅人，唔係每個地方都可以Set腳架㗎！山坡地因為積雪同地勢嘅關係，Set腳架係好危險嘅事，通常合掌村會設立一個可以Set腳架嘅空間，但多數都要好早就開始排隊、霸位。

以上就係KKday為大家整合嘅合掌村點燈攻略，祝大家都可以成功咁欣賞到呢個又壯觀又浪漫嘅點燈靚景啦！

已經準備好去白川鄉睇點燈？你一定會需要：
▶︎【名古屋北陸交通】昇龍道高速巴士3日/5日周遊券！
▶︎【東京出發二日遊】白川鄉合掌村點燈＆高山老街＆平湯之森溫泉

要去日本過冬天？不如睇埋：
▶︎【冬遊日本】新手必睇滑雪懶人包
▶︎【玩轉日本】溫泉勝地全攻略