德國好大，要去齊各個城市係咪要搭飛機搭嚟搭去？唔使㗎，德國最受歡迎的 ICE 已經非常發達，由法蘭克福去科隆只需約 1 小時 6 分鐘！KKday 在這裡重點介紹熱門德國交通 ICE，唔使識睇德文（甚至係唔使睇）都可以完成 ICE 訂票！玩遍德國景點，甚至係去歐洲各國都係咁簡單！
德國火車通行證必搭列車：ICE 介紹
ICE，又稱城際快車，長寫 Intercity-Express，是由德國國營鐵路公司 Deutsche Bahn AG (DB) 負責營運的德國高鐵列車。全德國有～180座 ICE 車站，以法蘭克福為中心往來德國各城市，亦可以往來 6 個周邊國家（奧地利、瑞士、法國、比利時、荷蘭及丹麥）。德國鐵路網內速度最快的交通工具就是它，例如：
- 法蘭克福↔慕尼黑：3 小時 11 分
- 法蘭克福↔柏林：3 小時 52 分
- 法蘭克福↔科隆：1 小時 06 分
- 慕尼黑↔柏林：3 小時 55 分
- 慕尼黑↔科隆：4 小時 37 分
ICE 與其他德國火車的分別
| 長途快車 | |
| ICE Sprinter | 在尖峰時段行駛，非常昂貴。停靠點很少，所以非常快速。 |
| IC（Inter City） | 行駛在德國境內各個城市之間的快車 |
| EC（Eurocity） | 跨國長途火車。行經法國東北部到巴黎、瑞士、奧匈捷，也有從德國行駛到丹麥、意大利、法國等路線。 |
| 區間慢車 | 主要行駛在德國境內次級城市或是小鎮 |
| IRE區際快車（Inter Regional Express） | 停靠德國境內各地區主要鄉鎮，停靠的小站更多，所以車程速度會比較慢一點 |
| RE區域快車（Regional Express） | 行駛於邦內主要城鎮，但因車次較少，所以載客量大，多為雙層列車 |
| RB區域普通車（Regional bahn） | 一般跑比較鄉下的城鎮，但停靠站較多，連一些小站也會停 |
| S（S-Bahn） | 只服務某個城市內以及周邊近郊的地方，是DB特別為了都市設計的區間車，站站都停 |
ICE 車廂設施
若攜兒童搭乘火車，可到兒童專設的車廂，讓小朋友們盡情玩耍。同時，在視線範圍內設有寬敞的行李放置處。
頭等艙：
- 一排三個位置，使用皮椅
- 座椅配備免費電源插座及 WIFI 可使用
- 部分車廂內的座位配置個人視頻、可傾斜真皮座椅、折疊式桌子
- 可預訂餐飲到座服務
- 可免費進入德國鐵路各大車站的一等車廂乘客專用候車室：柏林、漢諾威、不萊梅、科隆、杜塞爾多夫、萊比錫、德累斯頓、曼海姆、埃森、慕尼黑、法蘭克福、紐倫堡、法蘭克福機場站（Frankfurt/M. Flughafen Fernbahnhof）、斯圖加特和漢堡。
二等艙：
- 一排有四個座位，左右各兩個，使用一般布椅
- 可傾斜座椅，連折疊式桌子
- 部分列車的最後一個車廂設觀景休息室
- 流動餐車販售飲料和小食
ICE 路線圖
搭 ICE 可以去德國邊度？
法蘭克福
法蘭克福係德國第五大城市，同時亦都係德國最富有嘅城市之一。法蘭克福係德國嘅文化重鎮，所以唔難難喺呢度搵到歷史文化氣息。但同時間法蘭克福亦係德國唯一一個以摩天大樓為特色嘅城市，所以現代建築令呢度有著分明嘅新舊交替，但同時又有著一絲和諧感，係一個好特別嘅城市。法蘭克福以美麗嘅天際線著名，因此有著「緬因河上嘅曼哈頓」之稱，想要睇吓林立摩天大樓同埋古典老城點樣共融，就一定唔可以錯過法蘭克福啦！
熱門觀光景點：
- 羅馬人廣場（Römerberg）：法蘭克福要數著名歷史遺跡一定唔少得羅馬人廣場！呢度更被稱為德國嘅客廳，因為只要嚟到羅馬人廣場，就可以睇到唔少德國嘅風格同埋歷史人文。羅馬人廣場每個角路都好似蘊藏唔同嘅歷史故事，有富有代表性嘅正義女神噴泉雕像、充滿中世紀風情嘅中古街道樣貌廣場、古色古香的德國傳統建築等，漫步喺羅馬人廣場絕對令你尤如穿越時空，去到歷史故事當中！
- 法蘭克福舊歌劇院（Alte Oper）：法蘭克福舊歌劇院於1880年建造，依照巴黎歌劇院的建築形式而設計，外圍由拱門環繞而成，有著古希臘嘅建築風格；而圓拱形窗戶展示文藝復興風格；奢華的內飾突顯富麗堂皇嘅巴洛克風格，可以話係一座特別嘅建築物！想感受滿滿嘅藝術氣息，就不妨嚟法蘭克福舊歌劇院睇吓啦～
- 歌德故居（Goethe House）：就算唔係文學愛好者都相信會聽過「歌德」呢位德國最偉大嘅作家！而歌德故居就係呢位古典主義最著名嘅詩聖出世嘅地方，亦係佢度過青少年時期嘅地點。歌德故居一如德國舊時民居，並唔太起眼，但歌德故居有著典雅裝潢、油畫擺設、雅致壁紙，將18世紀中期有錢人家嘅家庭生活展現出來，絕對係窺看偉大作家寫作時空嘅大好機會！
- 法蘭克福聖保羅教堂（St. Paul’s Church）：講起德國建築風格，相信唔少人都會諗起巴洛克式建築風格或者哥特式建築風格，但法蘭克福聖保羅教堂用嘅係喺德國罕見嘅古典主義風格。法蘭克福聖保羅教堂可以話係德國重要的政治象徵符號，因為呢度係德國民主嘅起源地，想了解德國民主運動嘅推動歷史，相信法蘭克福聖保羅教堂一定係最佳選擇！
科隆
科隆係德國第四大城市，僅次於柏林、漢堡同埋慕尼克，同樣都係一座充滿現代氣息嘅城市。市中高樓大廈林立，係一個繁華嘅商業城市。科隆位於萊茵河畔，所以係現代感嘅時尚當中，都唔難見到古羅馬嘅歷史氣息！無論歷史街道建築、時尚熱鬧嘅酒吧、大大小小精品店舖、抑或有著文青氣色嘅博物館畫廊都統統可以喺科隆搵到。想喺歷史文化同埋奢華樂趣享受各種體驗，就嚟科隆過一個難忘嘅週末啦！
熱門觀光景點：
- 德國科隆大教堂（German Cologne Cathedral）：德國科隆大教堂係一座天主教主教座堂，係德國最大嘅教堂，以輕盈、雅緻著稱於世，所以絕對稱得上為科隆標誌性建築！德國科隆大教堂有著挑高又加寬嘅內部空間、157公尺高嘅鐘樓、華麗花窗描繪聖經故事、描繪聖母瑪麗亞同耶穌故事嘅石刻浮雕、等等設計都令呢座教堂被譽為哥特式教堂建築中最完美嘅典範！當日光透過玻璃花窗照入教堂時，大殿更係金燦明亮，令呢度更成為「最接近上帝嘅聖堂」！雖然係全德國最受歡迎嘅觀光景點，每日都有好多人一探呢座世界文化遺產，但絕對係一生人中必定要去一次嘅觀光景點！
- 路德維希博物館（Museum Ludwig）：路德維希博物館主要收藏現代藝術，於1976年正式成立，係當年科隆首座展出當代藝術品嘅博物館！而路德維希博物館更可稱為當代藝術勝地，因為裡面較全面咁去收藏二十世紀後現代各個類型嘅藝術作品，除此之外，西方現代派繪畫嘅主要代表—畢加索嘅作品都可以喺路德維希博物館入面搵到，所以，藝術愛好者千祈唔好錯過啊！
- 萊茵河（Rhine River）：萊茵河無疑係要集建築之美、豐富地理特色與悠久歷史於一身嘅河流！其實萊茵河源起於阿爾卑斯山麓，地理上不源於德國，但成條河最重要嘅部分都係喺德國科隆入面，所以話去德國自由行，一定唔可以錯過萊茵河！萊茵河係德國境內最長嘅河流，而且亦有唔少觀光遊船行程，讓大家可以欣賞到科隆萊茵河畔優美景色，所以若有時間，不妨參加一下科隆萊茵河嘅觀光遊船體驗喔～
- 香水博物館（Duftmuseum im Farina Haus）：嚟到科隆，又點少得去買返支世界最古老嘅香水！Farina 源自於科隆，係世界最古老嘅香水品牌，更係古龍水嘅起源，有著「科隆之水」嘅稱號。科隆之水推出當時就迅速成為歐洲上流社會嘅人氣商品，嚟到今時今日，依舊係唔少人喜歡嘅香水品牌。想知古龍水製造同埋調配嘅過程，咁就記得嚟香水博物館睇吓，絕對會係值回票價㗎！
慕尼黑
提及慕尼黑，相信唔少人首先諗起嘅都係啤酒豬腳chill爆嘅慶典氛圍，但其實除咗啤酒節之外，慕尼黑作為德國南部第一大城，都有唔少古樸歷史遺跡值得一睇！喺慕尼黑嘅每個角落都可以感受到昔日巴伐利亞王國嘅餘輝，華麗嘅建築，橫跨文藝復興、巴洛克、洛可可與新古典等等嘅多種建築風格，絕對係其中一個令人對慕尼黑著迷嘅原因～
熱門觀光景點：
- 瑪麗恩廣場（Marienplatz）：瑪麗恩廣場係慕尼黑市中心最熱鬧嘅地方，地如其名，係一座市中心廣場，但呢座廣場可以話係嚟慕尼黑必到嘅景點之一！瑪麗恩廣場係慕尼黑嘅觀光中樞，衣食住行都可以喺瑪麗恩廣場周圍搵到，所以瑪麗恩廣場一定會係你行程嘅必經景點之一！瑪麗恩廣場周邊嘅建築物大多都有百年以上嘅歷史，有著各個嘅歷史特色，所以嚟瑪麗恩廣場散散步，發掘一下每座建築嘅歷史都係一個唔錯嘅行程～
- BMW 博物館（BMW Museum）：作為以工業發展嘅國家，德國汽車業喺全球當然赫赫有名，而位於慕尼黑奧林匹克公園附近嘅 BMW 博物館，絕對係每位愛車之人嘅夢想之地！BMW 博物館主要介紹同展覽 BMW 嘅發展史，喺呢度可以搵到由航空引擎開始嘅故事，甚至有著每一年代嘅經典車款、模板車、賽車等嘅展示，相信一定會令各位愛車之人睇到唔想走啊！
- 聖母教堂（Frauenkirche）：大家對主教座堂嘅認知一定會有一項為奢華設計，但同樣作為主教座堂，聖母教堂嘅裝飾卻相當平庸，而且教堂並冇太多歷史感。聖母教堂融合中東建築風格嘅圓頂塔樓外觀，加上係作為慕尼黑舊市區最高嘅建築，所以並唔難搵到佢嘅蹤影。而聖母教堂最為特別嘅係喺呢個神聖莊嚴嘅殿堂內竟然藏匿一個「魔鬼的腳印 Teufelstritt」嘅傳說，雖然令人不解，但又令呢座教堂增添多個意思呢！
- 新天鵝堡（Neuschwanstein Castle）：相信對唔少人嚟講，浪漫、唯美、所有童話故事都係新天鵝堡嘅代名詞。的而且確，因為新天鵝堡正正就係迪士尼城堡嘅原型，白灰相間與尖塔造型嘅城堡聳立喺翠綠坡地之中，點睇都係一個童話國度，所以就算交通幾咁複雜，都令唔少人堅持到訪新天鵝堡！其實唔止外型似一個童話故事，背後巴伐利亞國王路德維西二世嘅故事都係一個童話故事嚟。據說路德維西二世充滿浪漫同埋愛幻想嘅藝術基因，所以佢設計咗呢座新天鵝堡，就係想建造一個童話世界。壯闊山景中興建，依照德國古代騎士城堡樣式建造，亦都成為咗中世紀浪漫城堡嘅典範！雖然路德維西二世未能睇住呢座城堡嘅完工，但卻亦都真係為每個小公主，小王子，做出一個童話故事～
- 國王湖（Königssee）：德國其中一個必去景點絕對就係知名湖泊國王湖，喺德國同奧地利邊境，由慕尼黑出發都非常方便！國王湖係德國最深、最清澈嘅湖泊，因為被阿爾卑斯山環繞成湖，所以呢度嘅景色絕對靚到難以忘懷！國王湖有著唔少嘅景點，包括湖邊小屋、牧場小屋、紅屋頂教堂等，再加上藍天綠水嘅陪襯，真係以為去咗人間仙境！
柏林
柏林係德國嘅首都，但同時亦都係歐洲最具標誌性嘅城市之一，雖然歷史源遠流長，街道上亦處處見到二戰與冷戰遺留下來嘅痕跡，但工業、科技發達同時將柏林變成一座現代科技與歷史文化交錯嘅都市！柏林係一個迷人嘅城市，無論美食、藝術、抑或夜生活都令呢座城市充滿活力，所以一直以嚟都成為全球受歡迎嘅旅行勝地。加上柏林有多元文化嘅景點，都絕對令每個旅客可以喺柏林玩得盡興！
熱門觀光景點：
- 柏林大教堂（Berlin Cathedral）：柏林大教堂係一座基督新教路德宗教堂，起源為柏林宮嘅城堡小教堂，雖然稱為大教堂，但其實並唔係一座主教座堂。文藝復興風格配上巴洛克復興風格設計，令柏林大教堂成為德國最大新教教堂，亦係歐洲最重要嘅王朝陵墓之一。柏林大教堂每一個角落都充滿著精雕細琢嘅雕刻，親眼看到相信會令你讚嘆昔日雕刻嘅偉大！而且加上大教堂入面嘅管風琴，瞬間令整座教堂變得更加莊嚴肅穆！
- 柏林圍牆（Berlin Wall）：提起柏林就點少得人人皆知嘅柏林圍牆！呢座圍牆象徵著分割東西歐鐵幕，同時佢嘅倒下亦象徵著專制時代嘅結束，係不能忘記，充滿歷史意義嘅一個標誌。現今嘅柏林圍牆仍然保留一段帶有隔離帶同崗亭嘅遺址，令人親眼見證柏林圍牆嘅時候可以觸摸到歷史實物，感受當日嘅無奈。而如今地面上亦鋪咗草坪，更有牆面成為知名藝術家嘅塗鴉畫廊，絕對是個一生必到一次的景點。
ICE 訂票方法（點到點/德國火車通行證）
1. 點到點訂票（附教學）
ICE 訂票驚睇唔明德文？KKday 點到點訂票功能為你提供中文介面、港幣等多種匯率報價，時間艙位幾分鐘內輕鬆揀選！
操作非常簡單，宜家就用 1 分鐘學識用手機訂購點到點 ICE 火車票啦！
1. 選擇出發地、目的地、乘搭日期、成人/長者/青年票
「出發地」/「目的地」皆有列出較熱門的站點，你可以在菜單上滑動搜尋地點。你亦可以透過打字輸入關鍵字進行搜尋。
特別留意！成人、長者、青年的區分年齡界線：成人（26-59歲）、長者（60歲以上）、青年（25歲以下），這裡選擇錯的話後續填寫出生日期時會出現錯誤喔！
2. 選擇車次｜查看時刻表、路線圖
點擊「搜尋」後，KKday 系統會為你顯示出發日期當天相關列車的所有出發班次、價格。
如果想特別查詢特定時段的班次，你更可進階篩選出發時段、抵達時間、直達/非直達。
- 00:00 – 11:59
- 12:00 – 13:59
- 14:00 – 17:59
- 18:00 – 23:59
點擊班次格左下箭嘴，可以展開班次路線圖，查看路線站點，站點間的行駛時間。
3. 預定車次｜填寫個人資料、同行乘客資料
點擊「預訂」來到預定頁，你可以選擇是否升級座位艙等，然後確認訂單金額。
確認車票明細後在下方填寫訂購人資料、歐鐵乘客資料，如果乘客包含訂購人，同樣需要填寫自己的資料。
確認費用明細（乘客人數）和訂單金額，然後點擊「繼續」。
4. 付款頁面｜使用折扣券、KKday Points
支援多種付款方式：AlipayHK、Apple Pay（只限手機）、Atome 分期付款、PayMe、信用卡/扣賬卡(Visa/Mastercard/AMEX/UnionPay銀聯)。同樣可以享有 KKday Points 回饋。
＊可以使用折扣券、KKday Points 點數折抵。
5. 完成訂購｜日後查看訂單明細
付款成後會跳至「付款成功」頁面。
「訂單管理」頁面可以快速看到已訂購班次的出發地、目的地、出發時間。
點擊後可看到訂單明細，例如座位數、路線圖、地點說明(搭車地點、下車地點)。
2. 歐鐵德國通行證
日本有 JR Pass，德國有 Eurail German Rail Pass！
如果打算深度遊德國去好多地方，有 Eurail 歐鐵德國通行證會抵好多！只要你係非歐洲居民，你可以無限次搭乘 DB 營運的 ICE 或者其他高速列車，想去幾多地方就去幾多，隨心安排行程。仲可以享有酒店折扣、博物館優惠價格等諸多優惠。
德國鐵路通行證 Eurail German Rail Pass
3. 歐洲鐵路通行證
如果你唔只係去德國而係周遊歐洲各國，呢個通行證俾你喺英、法、德、意大利、西班牙、瑞士等33個歐洲國家及地區內無限次搭乘列車並享受各種優惠，慳落大筆交通費同埋多國景點門票錢！跨國旅遊最彈性！分為「頭等艙」及「二等艙」座位、「連續使用」及「活期使用」兩種通行證，按自己需要購買。
歐洲鐵路全境通行證 Eurail Global Pass使用德國火車通行證搭乘 ICE 流程（非點對點訂票用戶適用）
喺 KKday 購買通行證時選擇嘅日期，並非通行證使用日。通行證有效期為「購買後的 11 個月內」，效期內皆可以透過手機APP「Eurail Rail Planner APP」啟用通行證、計劃行程及進行訂位。一等艙通行證同時適用於一等艙和二等艙車廂，二等艙通行證則僅適用於二等艙車廂。
手機APP通行證啟用
- 下載「Eurail Rail Planner APP」（iOS/Google)
- 添加通行證 My Pass
- 添加電子通行證 Add a new mobile Pass
- 輸入姓氏 Last Name及通行證號碼 Pass Number（電子憑證內有提供）
- 創建新行程並命名 Add a journey
- 激活通行證
- 輸入護照號碼 Enter your ID number
- 選擇首日旅行日期 Choose your first travel day
＊通行證效期為購買後的 11 個月內須啟用，且最遲需於出行前一天啟用才能夠使用。
＊搭乘德國境內火車：無需事先訂位。但若您想與親朋好友們一起同座，建議提前訂位。通行證不包含座位預訂費用。除了使用手機 APP，你亦可以前往當地火車站櫃檯，進行訂位／劃位手續且支付相關費用。
手機APP計劃通行證行程
- 搜索火車班次，選擇適合自己的旅程 Add a journey，保存至我的行程 My Trip
- 將旅程添加至你的通行證中，前往我的行程 My Trip 添加到通行證 Add to Pass
- 旅行日前一天晚上 23:59 前，可以免費取消
- 旅行當天可以編輯旅程 Edit Journeys，取消現有行程或改其他行程，但不能取消此旅行日期
登車時使用手機APP出示通行證
- 檢票時須出示車票，請進入我的通行證 My Pass
- 點擊顯示車票 Show Tickets
- 檢票員將掃描車票上的 QR Code
- 檢票員同時會檢查乘客身份，敬請隨身攜帶護照
德國火車通行證換票/退票
倘若想退票，自購買日起 360 天內未啟用及未使用的通行證，可申請部分退款。但如果通行證已使用，則不接受退款哦！除此之外，以限時優惠購買通行證，也不適用任何免費取消及申請改期政策，所以購買前記得多加確認～
