ทัวร์ชิมอาหารและไวน์ ยอดนิยมใน มิวนิก

距離中央車站唔遠，場地好大，成個主題公園咁，好多機動遊戲，好多野食賣，係個岩所有年齡層一家黎既活動。 掛上出發前派既心形薑餅，既岩返傳統，又用黎作鴨仔團既適別用。當然之後仲可以食。 導遊係預定用遠時間前果1-2個鐘會邊帶人向目的地帳篷出發邊介紹沿途設施及相關典故，由於係個舉辦左過百年既活動，所以有好多好多故事，好生動有趣，導遊語速適中講野好清晰，所以聽得好舒服。 帳篷係HB既，酒當然會係HB, 包左兩杯，每杯1L既啤酒同半隻燒雞。雞係乾身既冇咩好期待但用黎送酒還好。就算用左券換酒換雞，都仍然要俾tips,所以都需要帶定d cash。 坐係檯會間中有職員黎兜售紀念品，同自己行去counter買既一樣，所以等佢埋黎就得，而且用得信用卡。 會場有現場音樂，整體黎講氣氛好好，飲飽食醉唔想再坐仲可以去其他帳篷買下其他品牌既啤酒飲，當然就未必有檯坐了。